آسماں مل نہ سکا دھرتی پہ آیا نہ گیا
آسماں مل نہ سکا دھرتی پہ آیا نہ گیا
زندگی ہم سے کوئی ٹھور بنایا نہ گیا
آسماں مجھ سے میاں حجرے میں لایا نہ گیا
شاعری چھوڑ دی مفہوم چرایا نہ گیا
نوکری کی، لکھی نظمیں، سکوں پایا نہ گیا
شہر دل تجھ کو کسی طور بسایا نہ گیا
گھر کی ویرانیاں رسوا ہوئیں بے کار میں ہی
مجھ سے بازار میں بھی وقت بتایا نہ گیا
جوش میں ڈھا تو دی رشتے کی عمارت لیکن
دونوں سے آج تلک ملبہ ہٹایا نہ گیا
خون کے داغ نہ آ جائیں مرے لہجے میں
اس لیے غزلوں کو اخبار بنایا نہ گیا
دکھ نہ جائے تو بچھڑتی ہوئی بس اس ڈر سے
مجھ سے آنکھوں کو کوئی خواب دکھایا نہ گیا
اپنا حصہ بھی تو مانگا ہے زمیں سے میں نے
آسماں یوں ہی مرے سر پہ گرایا نہ گیا
جو تری یاد کے پنچھی نہ رکے کیا ہے عجب
عمر بھر دل میں تو تجھ کو بھی بٹھایا نہ گیا
ذات مذہب کہ زباں نام اسی کے تو ہیں سب
خود کو جس قید سے تا عمر چھڑایا نہ گیا
خاک دریا کے کناروں کو ملاؤں گا میں
خود کو ہی آج تلک خود سے ملایا نہ گیا
میرا ایمان ہوا خرچ جسے پانے میں
کیا غضب ہوگا جو اس شے کو بچایا نہ گیا
عمران حسین آزاد 
(893) ووٹ وصول ہوئے
Aasman Mil Na Saka Dharti Pe Aaya Na Gaya In Urdu By Famous Poet Imran Husain Azad. Aasman Mil Na Saka Dharti Pe Aaya Na Gaya is written by Imran Husain Azad. Enjoy reading Aasman Mil Na Saka Dharti Pe Aaya Na Gaya Poem on Inspiration for Students, Youth, Girls and Boys by Imran Husain Azad. Free Dowlonad Aasman Mil Na Saka Dharti Pe Aaya Na Gaya by Imran Husain Azad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends