روتے ہیں سن کے کہانی میری
روتے ہیں سن کے کہانی میری
کاش سنتے وہ زبانی میری
کٹ گیا غیر مرے نالوں سے
واہ ری سیف زبانی میری
آئنہ دیکھ کے فرماتے ہیں
کس غضب کی ہے جوانی میری
پھر تمہیں نیند نہیں آنے کی
کہیں سن لی جو کہانی میری
بار کیا پاؤں تری محفل میں
ہے سبک تجھ پہ گرانی میری
ہمہ تن گوش بنے سنتے ہیں
غیر کہتا ہے کہانی میری
یاد آؤں گا جفا کاروں کو
بے نشانی ہے نشانی میری
التجا ایک مقدر دو تھے
غیر کی مانی نہ مانی میری
حشر میں کچھ نہ ہوا مجھ سے سوال
واہ ری ہیچ مدانی میری
اب اٹھیں گے ترے در سے مر کر
کبھی اٹھتی نہیں ٹھانی میری
میرے اشعار فغان دل ہیں
قدر کرتا ہے فغانیؔ میری
خسرو ملک سخن دانی ہوں
داد ہے باج ستانی میری
دل میں پوشیدہ رہے گی کب تک
آتش شوق نہانی میری
تار گیسو سے نظر جا الجھی
دیکھنا ریشہ داوانی میری
دل کی حالت سے خبر دیتی ہے
اثرؔ آشفتہ بیانی میری
امداد امام اثرؔ 
(1378) ووٹ وصول ہوئے
Rote Hain Sun Ke Kahani Meri In Urdu By Famous Poet Imdad Imam Asar. Rote Hain Sun Ke Kahani Meri is written by Imdad Imam Asar. Enjoy reading Rote Hain Sun Ke Kahani Meri Poem on Inspiration for Students, Youth, Girls and Boys by Imdad Imam Asar. Free Dowlonad Rote Hain Sun Ke Kahani Meri by Imdad Imam Asar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends