میرے سر میں جو رات چکر تھا
میرے سر میں جو رات چکر تھا
اس کے زانو پہ غیر کا سر تھا
اپنے گھر ان کو کیا بلاتے ہم
بوریا بھی نہیں میسر تھا
ضبط دل پر بھی اس کی محفل میں
اپنا رومال اشک سے تر تھا
جان دینے میں سوچ کیا کرتے
مفلسی پر بھی دل تونگر تھا
خوب و زشت جہاں کا فرق نہ پوچھ
موت جب آئی سب برابر تھا
آپ جب تک نہ لے چکے تھے دل
کچھ مزاج اور بندہ پرور تھا
ہجر لاحق ہوا وصال کے بعد
کیا ہی الٹا مرا مقدر تھا
جور اعدا کی تاب کیا لاتا
دل کم بخت ناز پرور تھا
صحبت حور سے ہوئی نفرت
میں جو تیری ادا کا خوگر تھا
ہے اثرؔ یا نہیں خدا جانے
سنتے ہیں اس کا حال ابتر تھا
امداد امام اثرؔ 
(864) ووٹ وصول ہوئے
Mere Sar Mein Jo Raat Chakkar Tha In Urdu By Famous Poet Imdad Imam Asar. Mere Sar Mein Jo Raat Chakkar Tha is written by Imdad Imam Asar. Enjoy reading Mere Sar Mein Jo Raat Chakkar Tha Poem on Inspiration for Students, Youth, Girls and Boys by Imdad Imam Asar. Free Dowlonad Mere Sar Mein Jo Raat Chakkar Tha by Imdad Imam Asar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends