جب خدا کو جہاں بسانا تھا
جب خدا کو جہاں بسانا تھا
تجھ کو ایسا نہیں بنانا تھا
میرے گھر تیرا آنا جانا تھا
وہ بھی اے یار کیا زمانہ تھا
پھر گئے آپ میرے کوچے سے
دو قدم پر غریب خانہ تھا
جو نہ سمجھے کہ عاشقی کیا ہے
اس سے بیکار دل لگانا تھا
آئے تھے بخت آزمانے ہم
آپ کو تیغ آزمانا تھا
اے ستم گار قبر عاشق پر
چند آنسو تجھے بہانا تھا
تو نے رہنے دیا پس دیوار
ورنہ اپنا کہاں ٹھکانا تھا
اب جہاں پر ہے شیخ کی مسجد
پہلے اس جا شراب خانہ تھا
دخل اہل ریا نہ رکھتے تھے
پاک بازوں کا آنا جانا تھا
بزم میں غیر کو نہ بلواتے
آپ کو جب ہمیں بلانا تھا
وہ چمن اب خزاں رسیدہ ہے
بلبلوں کا جہاں ترانہ تھا
سنتے ہیں وہ شجر بھی سوکھ گیا
جس پہ صیاد آشیانہ تھا
دل نہ دیتے اسے تو کیا کرتے
اے اثرؔ دکھ ہمیں اٹھانا تھا
امداد امام اثرؔ 
(889) ووٹ وصول ہوئے
Jab KHuda Ko Jahan Basana Tha In Urdu By Famous Poet Imdad Imam Asar. Jab KHuda Ko Jahan Basana Tha is written by Imdad Imam Asar. Enjoy reading Jab KHuda Ko Jahan Basana Tha Poem on Inspiration for Students, Youth, Girls and Boys by Imdad Imam Asar. Free Dowlonad Jab KHuda Ko Jahan Basana Tha by Imdad Imam Asar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends