صنم کوچہ ترا ہے اور میں ہوں
صنم کوچہ ترا ہے اور میں ہوں
یہ زندان دغا ہے اور میں ہوں
یہی کہتا ہے جلوہ میرے بت کا
کہ اک ذات خدا ہے اور میں ہوں
ادھر آنے میں ہے کس سے تجھے شرم
فقط اک غم ترا ہے اور میں ہوں
کرے جو ہر قدم پر ایک نالہ
زمانے میں درا ہے اور میں ہوں
تری دیوار سے آتی ہے آواز
کہ اک بال ہما ہے اور میں ہوں
نہ ہو کچھ آرزو مجھ کو خدایا
یہی ہر دم دعا ہے اور میں ہوں
کیا درباں نے سنگ آستانہ
در دولت سرا ہے اور میں ہوں
گیا وہ چھوڑ کر رستے میں مجھ کو
اب اس کا نقش پا ہے اور میں ہوں
زمانے کے ستم سے روز ناسخؔ
نئی اک کربلا ہے اور میں ہوں
امام بخش ناسخ 
(894) ووٹ وصول ہوئے
Sanam Kucha Tera Hai Aur Main Hun In Urdu By Famous Poet Imam Bakhsh Nasikh. Sanam Kucha Tera Hai Aur Main Hun is written by Imam Bakhsh Nasikh. Enjoy reading Sanam Kucha Tera Hai Aur Main Hun Poem on Inspiration for Students, Youth, Girls and Boys by Imam Bakhsh Nasikh. Free Dowlonad Sanam Kucha Tera Hai Aur Main Hun by Imam Bakhsh Nasikh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends