کون سا تن ہے کہ مثل روح اس میں تو نہیں
کون سا تن ہے کہ مثل روح اس میں تو نہیں
کون گل ہے جو ترا مسکن برنگ بو نہیں
جام نرگس میں کہاں شبنم جو نکلے آفتاب
یار کے آگے مری آنکھوں میں اک آنسو نہیں
یاد گیسو میں ہوا میرا یہ دھجی سا بدن
مجھ پہ پھبتی کہتے ہیں موباف ہے گیسو نہیں
جسم ایسا گھل گیا ہے مجھ مریض عشق کا
دیکھ کر کہتے ہیں سب تعویذ ہے بازو نہیں
دیکھے ہیں ہنسنے میں جس دن سے در دندان یار
چین مثل گوہر غلطاں کسی پہلو نہیں
عشق میں بدمست ہوں میں پر کوئی واقف نہیں
نشہ ہے جام مئے الفت میں لیکن بو نہیں
زلف جاناں میں نہیں کوئی دل وحشی اسیر
یہ عجب تاتار ہے جو ایک بھی آہو نہیں
ہو گیا ہے یہ قران آفتاب و ماہ نو
یار کے رخسار آتش رنگ پر ابرو نہیں
ہو گیا ہے مثل مو تار نگہ اپنا سیاہ
آگے آنکھوں کے صنم جب سے ترے گیسو نہیں
رات دن ناقوس کہتے ہیں بآواز بلند
دیر سے بہتر ہے کعبہ گر بتوں میں تو نہیں
قمریاں دیوانی ہیں کیونکر گلے میں ہو نہ طوق
باغ میں اک سرو مثل قامت دل جو نہیں
امام بخش ناسخ 
(1111) ووٹ وصول ہوئے
Kaun Sa Tan Hai Ki Misl-e-ruh IsMein Tu Nahin In Urdu By Famous Poet Imam Bakhsh Nasikh. Kaun Sa Tan Hai Ki Misl-e-ruh IsMein Tu Nahin is written by Imam Bakhsh Nasikh. Enjoy reading Kaun Sa Tan Hai Ki Misl-e-ruh IsMein Tu Nahin Poem on Inspiration for Students, Youth, Girls and Boys by Imam Bakhsh Nasikh. Free Dowlonad Kaun Sa Tan Hai Ki Misl-e-ruh IsMein Tu Nahin by Imam Bakhsh Nasikh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends