ہمارے دن گزر گئے
گھروں میں کوئی پیڑ ہے نہ موتیے کی بیل ہے
نہ دال کو بگھارتی ہوئی جوان لڑکیاں
کہ سب چلن بدل گیا
فراغتوں کے دن گئے
گئیں وہ کنج وقت کی سفید ریش ساعتیں
شجر کی راہداریاں اجڑ گئیں
گھنی دوپہر میں کھلی کھلی سی دھوپ کا سفر بھی رک گیا
گلی کے سرخ موڑ پر
کنار شام نقرئی لباس میں جمالتی ہوئی شریر اپسرا نہیں رہی
وہ ریش میں گندھے ہوئے
بدن کا خم زمین پر اتارتے ہوئے ضعیف لاٹھیوں پہ ڈولتے
خمیدہ سر نہیں رہے
وہ ٹائروں سے کھیلتا غبار اڑاتا بچپنا
وہ سانولے حجاب میں سفید مسکراہٹیں
حیا کی سبز کترنیں کہ جن پہ سرخ موتیوں کا نیلگوں لحاف تھا
نہ جانے کون سمت ہیں
جلے بجھے سے دیپ ہیں نظر کی رہ گزار میں
ذرا ذرا سی روشنی کہ جس میں خام عجلتیں
بدن کے داغ سینچتیں
جھکے جھکے مزاج پر تنی تنی سی الجھنیں
دلیل سے ورا ہے ساری گفتگو کا سانحہ
ذرا ذرا سی زندگی بڑا بڑا سا خوف ہے
لبوں کے سرخ بام پر ملال رفتگاں نہیں
فراستوں کا قحط ہے
ملامتوں کا عہد ہے
ہمیں فریب زندگی ذرا سا کام کیا پڑا
ہمارے دن گزر گئے
الیاس بابر اعوان 
(1300) ووٹ وصول ہوئے
Hamare Din Guzar Gae In Urdu By Famous Poet Iliyas Babar Aawan. Hamare Din Guzar Gae is written by Iliyas Babar Aawan. Enjoy reading Hamare Din Guzar Gae Poem on Inspiration for Students, Youth, Girls and Boys by Iliyas Babar Aawan. Free Dowlonad Hamare Din Guzar Gae by Iliyas Babar Aawan in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends