Pahle To Aati Thin Iden Bhi Tumhaare Aae
pahle to aati thin iden bhi tumhaare aae
KHairiyat ab ke tum aae to akele aae
teri be-saKHta hairani kahan hai ai dost
hum to aatish kahin indhan ke ewaz de aae
ab to rahzan hi koi roke to malum paDe
rahnuma kaise ujaDon mein hamein le aae
hum to yak-rang ujale se hi mashur rahe
raushni tujh mein ye sat-rang kahan se aae
hum ne bechi thin jahan ninden usi manDi se
teri aankhon ke liye KHwab suhane aae
Ikram Azam 
(689) Peoples Rate This