فضا میں وحشت سنگ و سناں کے ہوتے ہوئے
فضا میں وحشت سنگ و سناں کے ہوتے ہوئے
قلم ہے رقص میں آشوب جاں کے ہوتے ہوئے
ہمیں میں رہتے ہیں وہ لوگ بھی کہ جن کے سبب
زمیں بلند ہوئی آسماں کے ہوتے ہوئے
بضد ہے دل کہ نئے راستے نکالے جائیں
نشان رہگزر رفتگاں کے ہوتے ہوئے
جہان خیر میں اک حجرۂ قناعت و صبر
خدا کرے کہ رہے جسم و جاں کے ہوتے ہوئے
قدم قدم پہ دل خوش گماں نے کھائی مات
روش روش نگہ مہرباں کے ہوتے ہوئے
میں ایک سلسلۂ آتشیں میں بیعت تھا
سو خاک ہو گیا نام و نشاں کے ہوتے ہوئے
میں چپ رہا کہ وضاحت سے بات بڑھ جاتی
ہزار شیوۂ حسن بیاں کے ہوتے ہوئے
الجھ رہی تھی ہواؤں سے ایک کشتیٔ حرف
پڑی ہے ریت پہ آب رواں کے ہوتے ہوئے
بس ایک خواب کی صورت کہیں ہے گھر میرا
مکاں کے ہوتے ہوئے لا مکاں کے ہوتے ہوئے
دعا کو ہات اٹھاتے ہوئے لرزتا ہوں
کبھی دعا نہیں مانگی تھی ماں کے ہوتے ہوئے
افتخار عارف 
(1104) ووٹ وصول ہوئے
Faza Mein Wahshat-e-sang-o-sinan Ke Hote Hue In Urdu By Famous Poet Iftikhar Arif. Faza Mein Wahshat-e-sang-o-sinan Ke Hote Hue is written by Iftikhar Arif. Enjoy reading Faza Mein Wahshat-e-sang-o-sinan Ke Hote Hue Poem on Inspiration for Students, Youth, Girls and Boys by Iftikhar Arif. Free Dowlonad Faza Mein Wahshat-e-sang-o-sinan Ke Hote Hue by Iftikhar Arif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends