So Duniya Mein Jina Basna Dil Ko Marne Mat Dena
so duniya mein jina basna dil ko marne mat dena
yar kirae-dar ko ghar par qabza karne mat dena
job zaruri hoti hai sahab majburi hoti hai
job ke ghanchakkar mein paD kar KHwab bikharne mat dena
aisi lahren aisi bahren kab qismat se milti hain
achchhe manjhi ab nayya ko par utarne mat dena
ek dafa ka zikr hai donon ek lahore mein yakja the
ek dafa ka zikr hai us ko kabhi mukarne mat dena
mal pe rash kafi hoga bas ek do kash kafi hoga
ab kisi car ko kisi sawar ko sar se guzarne mat dena
murda nare lagane wale zinda gosht jala sakte hain
is be-ant hujum ko KHud se ziyaada Darne mat dena
Idris Babar 
(916) Peoples Rate This