Uns To Hota Hai Diwane Se Diwane Ko
uns to hota hai diwane se diwane ko
koi apna ke dikhae kabhi anjaane ko
KHud-kushi jaisa koi jurm nahin duniya mein
koi batlata nahin ja ke ye parwane ko
saqi-e-waqt ne jab chhin li hathon se sharab
main ne Takra diya paimane se paimane ko
KHak-zada nahin paida hua aisa koi
jo haqiqat mein badal de mere afsane ko
abrha jaisa agar ho gaya paida koi
kya bacha paenge hum apne KHuda-KHane ko
ek mufsid ki ye phailai hui hai afwah
raat-bhar shama se nafrat rahi parwane ko
Ibrat Bahraichi 
(832) Peoples Rate This