شوق جب بھی بندگی کا رہنما ہوتا نہیں
شوق جب بھی بندگی کا رہنما ہوتا نہیں
زندگی سے زندگی کا حق ادا ہوتا نہیں
کیا سمجھ آئیں گی تم کو عشق کی باریکیاں
دل تمہارا جب تلک درد آشنا ہوتا نہیں
روح و تن کا عشق یہ قائم رہے گا دائمی
ختم بعد مرگ بھی یہ سلسلہ ہوتا نہیں
کون ہے جو جرم کرنے کو ہے شب کا منتظر
روشنی میں دن کی یارو کیا بھلا ہوتا نہیں
غالباً ہوتا مجھے بھی گھر کے گرنے کا گلہ
راہگیروں کا اگر یہ راستہ ہوتا نہیں
بد گمانی کی فضا میں کیا صفائی دیں تمہیں
اس فضا میں کوئی بھی حل مسئلہ ہوتا نہیں
اک ذرا سی بات پہ یہ منہ بنانا روٹھنا
اس طرح تو کوئی اپنوں سے خفا ہوتا نہیں
کوئی گستاخی تو کی ہے ناؤ نے گرداب سے
ورنہ یوں ساحل پہ کوئی غمزدہ ہوتا نہیں
کمرۂ تقدیر میں آتی عروس آرزو
وقت ناہنجار کا جو فیصلہ ہوتا نہیں
آنکھ سے پینے کا بھی ساقی نے مانگا ہے حساب
اس روش سے یارو کوئی مے کدہ ہوتا نہیں
مفتیؔ دیکھو مہر پلٹا ہے مری تقدیر کا
دیکھتے ہیں کس طرح سجدہ ادا ہوتا نہیں
ابن مفتی 
(1021) ووٹ وصول ہوئے
Shauq Jab Bhi Bandagi Ka Rahnuma Hota Nahin In Urdu By Famous Poet Ibn-e-Mufti. Shauq Jab Bhi Bandagi Ka Rahnuma Hota Nahin is written by Ibn-e-Mufti. Enjoy reading Shauq Jab Bhi Bandagi Ka Rahnuma Hota Nahin Poem on Inspiration for Students, Youth, Girls and Boys by Ibn-e-Mufti. Free Dowlonad Shauq Jab Bhi Bandagi Ka Rahnuma Hota Nahin by Ibn-e-Mufti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends