دل وہی اشک بار رہتا ہے
دل وہی اشک بار رہتا ہے
غم سے جو ہمکنار رہتا ہے
میں نے دیکھا خرد کے کاندھوں پر
اک جنوں سا سوار رہتا ہے
لب تبسم میں ہو گئے مشاق
دل مگر سوگوار رہتا ہے
ایک لمحے بھی سوچ لوں ان کو
مدتوں اک خمار رہتا ہے
دل رہے بے کلی کے گھیرے میں
ذہن پہ تو سوار رہتا ہے
تیرے خوابوں کی لت لگی جب سے
رات کا انتظار رہتا ہے
سچ کے دھاگے سے جو بنے رشتہ
عمر بھر استوار رہتا ہے
تیرے دل نے بھی پڑھ لیا کلمہ
جس میں یہ گنہ گار رہتا ہے
جب سے جوڑا ہے آپ سے رشتہ
دامن تار، تار رہتا ہے
وہ تصور میں اک گھڑی آئیں
دیر تک دل بہار رہتا ہے
چاند سے اس لئے ہے پیار مجھے
یہ بھی یاروں کا یار رہتا ہے
گھر میں آتے ہی مہ جبیں نے کہا
یاں تو اختر شمار رہتا ہے
اب تو کر ڈالیے وفا اس کو
وہ جو وعدہ ادھار رہتا ہے
اک طرف گردشیں زمانے کی
اک طرف تیرا پیار رہتا ہے
ترے در سے جڑا ہوا مفلس
عشق میں مال دار رہتا ہے
ماں نے دے دی دعا تو حشر تلک
اس کا باندھا حصار رہتا ہے
دل میں سجدے کیا کرو مفتیؔ
اس میں پروردگار رہتا ہے
ابن مفتی 
(816) ووٹ وصول ہوئے
Dil Wahi Ashk-bar Rahta Hai In Urdu By Famous Poet Ibn-e-Mufti. Dil Wahi Ashk-bar Rahta Hai is written by Ibn-e-Mufti. Enjoy reading Dil Wahi Ashk-bar Rahta Hai Poem on Inspiration for Students, Youth, Girls and Boys by Ibn-e-Mufti. Free Dowlonad Dil Wahi Ashk-bar Rahta Hai by Ibn-e-Mufti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends