MakDi
agar makDi dikhai de
to Darti hai meri beTi
baDa hi KHauf khati hai
taqaza mujh se karti hai
ki us ko mar Dalun mein
magar kuchh soch kar yaro
uTha leta hun main us ko
aur bahar chhoD aata hun
yahi makDi thi ki jis ne
wo ghaar-e-saur mein jala
tha kuchh aise bana Dala
ki dushman bhi pahunch kar wan
nahin un tak pahunch pae
baDa ehsan hai makDi ka
musalmanan-e-alam par
yahi kuchh soch kar yaro
uTha leta hun main us ko
aur bahar chhoD aata hun
Ibn-e-Mufti 
(878) Peoples Rate This