Nafraten Na Adawaten Baqi Hain
nafraten na adawaten baqi hain
gar rahengi to ulfaten baqi
rah hi jate hain sab fasane yahan
hain jo baqi mohabbaten baqi
TimTimata diya hai bujhne ko
rah gain kuchh hi saaten baqi
KHatm hongi na ye mulaqaten
yar zinda to sohbaten baqi
jin pe nazan the ye zamin o falak
ab kahan hain wo suraten baqi
aaj bhi hain bahut se na-bina
dekhi jin mein basarten baqi
ban ke tawiz kuchh gale mein hain
bhule quran ki suraten baqi
hashr mein aur lahad mein jaana hai
rah gain do hi hijraten baqi
auj to bandagi mein muzmar hai
hech sari hain rifaten baqi
Ibn-e-Mufti 
(1273) Peoples Rate This