KHayalon KHayalon Mein Kis Par Utre
KHayalon KHayalon mein kis par utre
na dushman koi nan jahan yar utre
giraftar hai sehr-e-aina-gar ka
pas-e-aina kis tarah yar utre
zaban-o-bayan dastan sab badal de
kahani mein aisa bhi kirdar utre
tasawwur mein to gungunati nadi thi
samundar mein kaise ye sarkar utre
so gardan jhuka kar nigah tan li hai
ki inkar o iqrar ka bar utre
Husain Abid 
(869) Peoples Rate This