Nigah-e-shauq Agar Dil Ki Tarjuman Ho Jae
nigah-e-shauq agar dil ki tarjuman ho jae
to zarra zarra mohabbat ka raaz-dan ho jae
phir is ke ranj-o-gham o dagh ki had hai koi
jo is jahan mein ghaDi bhar ko shadman ho jae
kasi se kya gila-e-jaur-e-asman kije
ki jis zamin pe rahen hum wo aasman ho jae
'haya' Thikana bhi kuchh aisi dard-mandi ka
ki lab tak aae na ek harf aur fughan ho jae
Haya Lakhnavi 
(749) Peoples Rate This