کوچہ میں جو اس شوخ حسیں کے نہ رہیں گے
کوچہ میں جو اس شوخ حسیں کے نہ رہیں گے
تو دیر و حرم کیا ہے کہیں کے نہ رہیں گے
نزدیک کبھی خلد بریں کے نہ رہیں گے
ہم سایہ بھی اب ہم تو حسیں کے نہ رہیں گے
میں صید ہوں وحشی مجھے فتراکی کہلوا
دو تار بھی اب دامن ذہن کے نہ رہیں گے
پر وائے وسیلہ ہو سلیماں کو مبارک
ہم نام کو محتاج نگیں کے نہ رہیں گے
مر جائیں گے اظہار تمنا ہی سے پہلے
سننے کو ترے منہ سے نہیں کے نہ رہیں گے
مرزا منشی اپنی گورا نہ کریں گے
سننے کو قصص چین جبیں کے نہ رہیں گے
سن لیں گے جو مجھ غمزدہ کے نالۂ موزوں
مشتاق وہ دیوان حزیں کے نہ رہیں گے
دروازہ کا پردہ تو رہے کان کا پردہ
ہم روبرو اس پردہ نشیں کے نہ رہیں گے
اللہ نے چاہا تو ہم اے برہمن دیر
مشتاق کسی لعبت چیں کے نہ رہیں گے
رخسار سے تشبیہ تری دیں گے ہم اے جان
جب داغ رخ ماہ مبیں کے نہ رہیں گے
اوڑھتے ہوئے یہ طائر رنگ اپنا جو دیکھا
تو ہوش بجا روح امیں کے نہ رہیں گے
کس درد کی آواز سے چلائی ہے بلبل
ہم پاس تو اس مرغ حزیں کے نہ رہیں گے
دیکھیں گے جو اس بت کو تو واللہ یقیں ہے
ایمان بجا اہل یقیں کے نہ رہیں گے
پابند رہے کون یہاں نام کی خاطر
حلقہ میں کبھی مثل نگیں کے نہ رہیں گے
ہم ڈھونڈتے پھرتے ہیں تجھے دیر و حرم میں
گر ہے یہ تمنا تو کہیں کے نہ رہیں گے
پابند ہوئے شکل اسیر اب تو یہاں مہرؔ
ایسا ہی جو دل ہے تو کہیں کے نہ رہیں گے
حاتم علی مہر 
(884) ووٹ وصول ہوئے
Kucha Mein Jo Us ShoKH-hasin Ke Na Rahenge In Urdu By Famous Poet Hatim Ali Mehr. Kucha Mein Jo Us ShoKH-hasin Ke Na Rahenge is written by Hatim Ali Mehr. Enjoy reading Kucha Mein Jo Us ShoKH-hasin Ke Na Rahenge Poem on Inspiration for Students, Youth, Girls and Boys by Hatim Ali Mehr. Free Dowlonad Kucha Mein Jo Us ShoKH-hasin Ke Na Rahenge by Hatim Ali Mehr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends