کعبہ و بت خانہ والوں سے جدا بیٹھے ہیں ہم
کعبہ و بت خانہ والوں سے جدا بیٹھے ہیں ہم
اک بت ناآشنا سے دل لگا بیٹھے ہیں ہم
آپ سے اپنے کو دیوانہ بنا بیٹھے ہیں ہم
کوئے جاناں چھوڑ کے جنگل میں آ بیٹھے ہیں ہم
کیوں مکدر کر دیا نازک مزاجوں کا مزاج
کوچۂ جاناں سے چل جا اے صبا بیٹھے ہیں ہم
یہ دعا کعبہ میں کرتے ہیں کہ اس بت سے ملا
تیرے دروازہ پر آ کر اے خدا بیٹھے ہیں ہم
وہ تو کہتے ہیں کہ اٹھ جائیں میرے کوچہ سے آپ
ہائے کتنی ہو گئی ہیں بے حیا بیٹھے ہیں ہم
سرگرانی ہے عبث ہم خاکساروں سے تمہیں
یا تو مٹنے کو بسان نقش پا بیٹھے ہیں ہم
اپنا باطن خوب ہے ظاہر سے بھی اے جان جاں
آنکھ کے لڑنے سے پہلے جی لڑا بیٹھے ہیں ہم
میں تو کہتا ہوں کہ بزم غیر ہے یاں سے اٹھو
اور وہ کہتے ہیں مجھ سے تجھ کو کیا بیٹھے ہیں ہم
یا ہمیں اٹھوا دیا یا اٹھ گئے ہیں آپ وہ
گر کبھی مجلس میں بھی پاس ان کے جا بیٹھے ہیں ہم
بزم تصویر اپنی صحبت ہو گئی ہے ان دنوں
آشنا دن میں بھی اب نا آشنا بیٹھے ہیں ہم
پڑ گیا ہے ہاتھ جب انگیا پہ اس خوش گات کی
صورت شہباز چڑیا کو دبا بیٹھے ہیں ہم
گہر سے اٹھنے کی نہیں باہر نہیں رکھنے کے پاؤں
یار کے سر کی قسم اے مہرؔ کھا بیٹھے ہیں ہم
حاتم علی مہر 
(846) ووٹ وصول ہوئے
Kaba-o-but-KHana Walon Se Juda BaiThe Hain Hum In Urdu By Famous Poet Hatim Ali Mehr. Kaba-o-but-KHana Walon Se Juda BaiThe Hain Hum is written by Hatim Ali Mehr. Enjoy reading Kaba-o-but-KHana Walon Se Juda BaiThe Hain Hum Poem on Inspiration for Students, Youth, Girls and Boys by Hatim Ali Mehr. Free Dowlonad Kaba-o-but-KHana Walon Se Juda BaiThe Hain Hum by Hatim Ali Mehr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends