ایذائیں اٹھائے ہوئے دکھ پاے ہوئے ہیں
ایذائیں اٹھائے ہوئے دکھ پاے ہوئے ہیں
ہم دل سے بتنگ آئے ہیں اکتائے ہوئے ہیں
بیتاب ہیں بے چین ہیں گھبرائے ہوئے ہیں
ہم دل سے بتنگ آئے ہیں اکتائے ہوئے ہیں
ان ہونٹھوں کے بوسے کا مزا پاے ہوئے ہیں
پیار آیا ہے منہ تکتے ہیں للچائے ہوئے ہیں
زلفیں وہ بلا جی کو جو الجھائے ہوئے ہیں
جوڑے کے الٹ بیچ میں دل آئے ہوئے ہیں
غصے میں بھرے بیٹھے ہیں جھلائے ہوئے ہیں
افروختہ ہیں غیروں کے بھڑکائے ہوئے ہیں
دروازے پہ بیٹھے ہیں نکلوائے ہوئے ہیں
ہم نے تو ڈھہی دی وہ غضب ڈھائے ہوئے ہیں
اٹھلائے ہوئے بیٹھے ہیں اترائے ہوئے ہیں
اب روپ ہے جوبن پہ ہیں گدرائے ہوئے ہیں
کیا بات ہے کیا بات ہے تیری لب جاں بخش
ایسی بھی ترے عہد میں دم کھائے ہوئے ہیں
مجھ پر انہیں رحم آئے یہ ممکن ہی نہیں ہے
ایسے وہ سمجھتے نہیں سمجھائے ہوئے ہیں
کرتا غضب اب تک تو ہمارا دل بیتاب
روکے ہوئے ڈانٹے ہوئے دھمکائے ہوئے ہیں
ہنگامہ رہے گا یوں ہی کوچہ میں تمہارے
عاشق کہاں جا سکتے ہیں دل آئے ہوئے ہیں
آئیں تو عنایت ہے نہیں آتے نہ آئیں
ہم دل کو تصور ہی سے بہلائے ہوئے ہیں
دل ٹھہر گیا زخم جگر بھر گئے اپنے
آرام ہی ہم تم کو جو لپٹائے ہوئے ہیں
مرنے پہ بھی افسردہ دلی اپنی عیاں ہے
تربت پہ مری پھول بھی مرجھائے ہوئے ہیں
اغیار سیہ رو سے بہت ربط ہے ان کو
وہ چاند ہیں اے مہرؔ تو گہنائے ہوئے ہیں
حاتم علی مہر 
(872) ووٹ وصول ہوئے
Izaen UThae Hue Dukh Pae Hue Hain In Urdu By Famous Poet Hatim Ali Mehr. Izaen UThae Hue Dukh Pae Hue Hain is written by Hatim Ali Mehr. Enjoy reading Izaen UThae Hue Dukh Pae Hue Hain Poem on Inspiration for Students, Youth, Girls and Boys by Hatim Ali Mehr. Free Dowlonad Izaen UThae Hue Dukh Pae Hue Hain by Hatim Ali Mehr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends