دوپہر رات آ چکی حیلہ بہانہ ہو چکا
دوپہر رات آ چکی حیلہ بہانہ ہو چکا
اور مستی مل چکے گیسو میں شانہ ہو چکا
ناوک مژگاں کا اپنا دل نشانہ ہو چکا
مر چکے ہم موت آنے کا بہانہ ہو چکا
عہد پیری ہے جوانی کا زمانہ ہو چکا
ختم اب مضمون شعر عاشقانہ ہو چکا
اب خزاں ہے موسم گل کا زمانہ ہو چکا
ہو چکی گلبانگ بلبل کا ترانہ ہو چکا
شیر سے شیریں کو رغبت تھی انہیں ہے ذوق مے
دور بھی اب اور ہے اگلا زمانہ ہو چکا
ساقیا پیری میں تو شغل صبوحی ہے ضرور
اب بھی پچھلا دور ہے اگلا زمانہ ہو چکا
شبنمی پر اوس پڑتی ہے جو اپنی زیست میں
تو پس مردن لحد پر شامیانہ ہو چکا
ہم تو گرد کارواں تھے سب سے پیچھے رہ گئے
قافلہ ریگ رواں کا بھی روانہ ہو چکا
آسماں پر طعن بخل اہل زمیں کو ہے عبث
پانی پانی ہو گیا جب دانہ دانہ ہو چکا
چٹ چکے قید قفس سے اب اسیران چمن
بعد ویرانے کے آباد آشیانہ ہو چکا
آمد فصل بہاری کی خبر لائی نسیم
باغ میں بلبل کا تیار آشیانہ ہو چکا
کیا خزاں میں آب و رنگ باغ فواروں سے ہو
سب زر گل لٹ چکا خالی خزانہ ہو چکا
وائے نادانی کہ اب فکر سبک دوشی ہوئی
دفتر عصیاں جب اپنا بار شانہ ہو چکا
گل اٹھا زنجیر سے پریوں کا دیوانہ ہے یہ
عشق میں بدنام میں خانہ بہ خانہ ہو چکا
گور تک وہ ساتھ میت کے رہے حد ہو گئی
دشمن جاں سے بھی حق دوستانہ ہو چکا
ہم فقیروں کے بھی گھر لائی تھی ان کو سادگی
اب وہ للہ ہے بتوں کا کارخانہ ہو چکا
خواب غفلت مہرؔ کب تک جاگیے اٹھ بیٹھیے
صبح ہونے آئی شب گزری فسانہ ہو چکا
حاتم علی مہر 
(1049) ووٹ وصول ہوئے
Dopahar Raat Aa Chuki Hila-bahana Ho Chuka In Urdu By Famous Poet Hatim Ali Mehr. Dopahar Raat Aa Chuki Hila-bahana Ho Chuka is written by Hatim Ali Mehr. Enjoy reading Dopahar Raat Aa Chuki Hila-bahana Ho Chuka Poem on Inspiration for Students, Youth, Girls and Boys by Hatim Ali Mehr. Free Dowlonad Dopahar Raat Aa Chuki Hila-bahana Ho Chuka by Hatim Ali Mehr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends