ترے درد سے جس کو نسبت نہیں ہے
ترے درد سے جس کو نسبت نہیں ہے
وہ راحت مصیبت ہے راحت نہیں ہے
جنون محبت کا دیوانہ ہوں میں
مرے سر میں سودائے حکمت نہیں ہے
ترے غم کی دنیا میں اے جان عالم
کوئی روح محروم راحت نہیں ہے
مجھے گرم نظارہ دیکھا تو ہنس کر
وہ بولے کہ اس کی اجازت نہیں ہے
جھکی ہے ترے بار عرفاں سے گردن
ہمیں سر اٹھانے کی فرصت نہیں ہے
یہ ہے ان کے اک روئے رنگیں کا پرتو
بہار طلسم لطافت نہیں ہے
ترے سرفروشوں میں ہے کون ایسا
جسے دل سے شوق شہادت نہیں ہے
تغافل کا شکوہ کروں ان سے کیونکر
وہ کہہ دیں گے تو بے مروت نہیں ہے
وہ کہتے ہیں شوخی سے ہم دل ربا ہیں
ہمیں دل نوازی کی عادت نہیں ہے
شہیدان غم ہیں سبک روح کیا کیا
کہ اس دل پہ بار ندامت نہیں ہے
نمونہ ہے تکمیل حسن سخن کا
گہر بارئ طبع حسرتؔ نہیں ہے
حسرتؔ موہانی 
(1116) ووٹ وصول ہوئے
Tere Dard Se Jis Ko Nisbat Nahin Hai In Urdu By Famous Poet Hasrat Mohani. Tere Dard Se Jis Ko Nisbat Nahin Hai is written by Hasrat Mohani. Enjoy reading Tere Dard Se Jis Ko Nisbat Nahin Hai Poem on Inspiration for Students, Youth, Girls and Boys by Hasrat Mohani. Free Dowlonad Tere Dard Se Jis Ko Nisbat Nahin Hai by Hasrat Mohani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends