کیا کہوں تجھ سے مری جان میں شب کا احوال
کیا کہوں تجھ سے مری جان میں شب کا احوال
تجھ پہ روشن ہے دل وصل طلب کا احوال
ہوں میں اک عاشق بے باک و خراباتی و رند
مجھ سے مت پوچھ مرے علم و ادب کا احوال
دل کو خالی کروں رو رو کے مگر میں بے کس
کون سنتا ہے مرے رنج و تعب کا احوال
محرم راز نہیں ملتا کوئی درد ہے یہ
کیا طبیبوں سے کہوں عشق کے تب کا احوال
لطف ہے سب سے سزاوار غضب ایک ہوں میں
خوب دیکھا جو ترے لطف و غضب کا احوال
اے میاں آج تو دو بات مری بھی سن لے
کہا چاہوں ہوں میں تجھ سے بھلا کب کا احوال
زور ہے جیسے کہ نسبت نمک و ریش کے بیچ
میں ہی سمجھوں تری کیفیت لب کا احوال
نہیں دم مارنے کی مجھ کو ترے آگے مجال
ہائے سنتا ہے تو کس طرح سے سب کا احوال
کیا کوئی خوش ہو مرے شعر کو سن کے حسرتؔ
درد دل ہے یہ نہیں عیش و طرب کا احوال
حسرتؔ عظیم آبادی 
(742) ووٹ وصول ہوئے
Kya Kahun Tujhse Meri Jaan Main Shab Ka Ahwal In Urdu By Famous Poet Hasrat Azimabadi. Kya Kahun Tujhse Meri Jaan Main Shab Ka Ahwal is written by Hasrat Azimabadi. Enjoy reading Kya Kahun Tujhse Meri Jaan Main Shab Ka Ahwal Poem on Inspiration for Students, Youth, Girls and Boys by Hasrat Azimabadi. Free Dowlonad Kya Kahun Tujhse Meri Jaan Main Shab Ka Ahwal by Hasrat Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends