Ya Ilahi Mera Dildar Salamat Bashad
ya ilahi mera dildar salamat bashad
wo wali nemat-e-didar salamat bashad
nek-o-bad se hai meri KHatir-e-nashad aazad
gham-gusar apna gham-e-yar salamat bashad
na rakhi dil mein hamare tama-e-KHam-e-visal
rashk-e-aghyar ka aazar salamat bashad
gar na de sharbat-e-unnab mujhe wo lab-e-lal
ishwa-e-nargis-e-bimar salamat bashad
KHaksaron ka koi go na hue pusht-panah
sar pe wo saya-e-diwar salamat bashad
us sag-e-ku ki nahin kuchh mujhe muddat se KHabar
wo mera yar-e-wafadar salamat bashad
qatl-e-ashiq ke tain go howe yak shahr gawah
wo tera naz se inkar salamat bashad
mard-e-haq ka rahe duniya mein alam-e-nam buland
nahin mansur agar dar salamat bashad
yar ki mehr-o-murawwat pe na rakh dil 'hasrat'
ye tera ishq ka izhaar salamat bashad
Hasrat Azimabadi 
(1222) Peoples Rate This