Shauq Se Aap Ye Angrezi Dawa Bhi Lete
shauq se aap ye angrezi dawa bhi lete
hum faqiron se magar thoDi dua bhi lete
is liye hansne-hansane ki bana li aadat
main jo rota to kai log maza bhi lete
tere bikne ki KHabar kash ki pahle hoti
itni daulat to meri jaan kama bhi lete
ab koi bis baras baad ye ehsas hua
chahte hum to kahin hath chhuDa bhi lete
is qadar bojh tha dil par hamein marna hi paDa
zahr thoDa sa jo hota to pacha bhi lete
Haseeb Soz 
(1743) Peoples Rate This