ہوا کے رخ پر چراغ الفت کی لو بڑھا کر چلا گیا ہے
ہوا کے رخ پر چراغ الفت کی لو بڑھا کر چلا گیا ہے
وہ اک دیے سے نہ جانے کتنے دیے جلا کر چلا گیا ہے
ہم اس کی باتوں کی بارشوں میں ہر ایک موسم میں بھیگتے تھے
وہ اپنی چاہت کے سارے منظر ہمیں دکھا کر چلا گیا ہے
اسی کے بارے میں حرف لکھے اسی پہ ہم نے غزل کہی ہے
جو کجلی آنکھوں سے میرے دل میں نقب لگا کر چلا گیا ہے
متاع جاں بھی اسی پہ واری اسی کے دم سے ہے سانس جاری
مرے بدن میں وہ خوشبوؤں کی ہوا بسا کر چلا گیا ہے
یہ فصل فکر و خیال اپنی اسی کے دم سے ہری بھری ہے
جو کچے کوٹھوں کے آنگنوں سے دھواں اٹھا کر چلا گیا ہے
ہماری آنکھوں میں رت جگے کی جھڑی لگی ہے اسی گھڑی سے
کہ جب سے کوئی غزال اپنی جھلک دکھا کر چلا گیا ہے
ہرن محبت کے سبزہ زاروں میں جانے کب چوکڑی بھریں گے
وہ جاتے جاتے سوال ایسا حسنؔ اٹھا کر چلا گیا ہے
حسن رضوی 
(1660) ووٹ وصول ہوئے
Hawa Ke RuKH Par Charagh-e-ulfat Ki Lau BaDha Kar Chala Gaya Hai In Urdu By Famous Poet Hasan Rizvi. Hawa Ke RuKH Par Charagh-e-ulfat Ki Lau BaDha Kar Chala Gaya Hai is written by Hasan Rizvi. Enjoy reading Hawa Ke RuKH Par Charagh-e-ulfat Ki Lau BaDha Kar Chala Gaya Hai Poem on Inspiration for Students, Youth, Girls and Boys by Hasan Rizvi. Free Dowlonad Hawa Ke RuKH Par Charagh-e-ulfat Ki Lau BaDha Kar Chala Gaya Hai by Hasan Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends