جدائی بھی قرابت کی طرح تھی
جدائی بھی قرابت کی طرح تھی
مگر ساعت نحوست کی طرح تھی
لپٹ کے سو گیا میں زندگی سے
غضب ناکی عنایت کی طرح تھی
وہ فاتح تھا مگر جذبے سے عاری
ہماری ہار نصرت کی طرح تھی
ہرن کی آنکھ میں دہشت تھی زندہ
مگر یہ چشم حیرت کی طرح تھی
گزاری تھی جو ساعت ساتھ تیرے
نظر میں وہ امانت کی طرح تھی
یقیں کرنا گماں کے دائرے میں
طبیعت اس کی عورت کی طرح تھی
ابھی جو خاک کی پیوند سی ہے
فلک بوس اک عمارت کی طرح تھی
دعا ماں کی محافظ تھی نہیں تو
صعوبت بھی قیامت کی طرح تھی
حسن نظامی 
(905) ووٹ وصول ہوئے
Judai Bhi Qarabat Ki Tarah Thi In Urdu By Famous Poet Hasan Nizami. Judai Bhi Qarabat Ki Tarah Thi is written by Hasan Nizami. Enjoy reading Judai Bhi Qarabat Ki Tarah Thi Poem on Inspiration for Students, Youth, Girls and Boys by Hasan Nizami. Free Dowlonad Judai Bhi Qarabat Ki Tarah Thi by Hasan Nizami in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends