Paikar-e-naz Pe Jab Mauj-e-haya Chalti Thi
paikar-e-naz pe jab mauj-e-haya chalti thi
qarya-e-jaan mein mohabbat ki hawa chalti thi
un ke kuche se guzarta tha uThae hue sar
jazba-e-ishq ke hamrah ana chalti thi
ek zamana bhi chala sath to aage aage
gard uDati hui ek mauj-e-bala chalti thi
parda-e-fikr pe har aan chamakte the nujum
farsh ta arsh koi mah-liqa chalti thi
main hi tanha na KHarabon se guzarta tha 'naim'
sham ta subh sitaron ki ziya chalti thi
Hasan Nayeem 
(773) Peoples Rate This