Jabr-e-shahi Ka Sirf Baghawat Ilaj Hai
jabr-e-shahi ka sirf baghawat ilaj hai
apna azal se ek husaini mizaj hai
aage to zahr-e-ishq mein sab zahr the ghule
ab shairi ki jaan rag-e-ehtijaj hai
aali nazar ke sher pe tikhe mubahise
be-nur aalimon ka maraz la-ilaj hai
har aan hain dimagh mein afkar-e-shab-nawaz
is gham ki saltanat mein bas ek dil siraj hai
kya di hai lab-kushai ki qimat use bhi dekh
is daftar-e-nawa mein sabhi indiraj hai
is sondhi miTTiyon ne diya rang o zaiqa
hiron se baDh ke aab mein mulki anaj hai
'iqbaal' ki nawa se musharraf hai go 'naim'
urdu ke sar pe 'mir' ki ghazlon ka taj hai
Hasan Nayeem 
(1247) Peoples Rate This