شب کی دہلیز سے کس ہاتھ نے پھینکا پتھر
شب کی دہلیز سے کس ہاتھ نے پھینکا پتھر
ہو گیا صبح کا مہکا ہوا چہرہ پتھر
کچھ انوکھی تو نہیں میری محبت کی شکست
آئنے جب بھی مقابل ہوئے جیتا پتھر
اس طلسمات کی وادی میں پلٹ کر بھی نہ دیکھ
ورنہ ہو جائے گا خود تیرا سراپا پتھر
یاد کی لہر بہا لائی ہے کس دیس مجھے
ہے یہاں وقت کا بہتا ہوا دریا پتھر
کس کے پیکر میں سماتا مرے احساس کا لوچ
میں نے انساں سے خجل ہو کے تراشا پتھر
تیری آنکھوں میں ابھی نیند کے ڈورے کیوں ہیں
یاں تو اک چوٹ سے ہو جاتے ہیں بینا پتھر
کند کر دیتا ہے یوں ذہن کو حالات کا زہر
جیسے بن جائے چمکتا ہوا سونا پتھر
تیری سوچوں کی قسم اے مرے خاموش خدا
مجھ سے کرتے ہیں اطاعت کا تقاضا پتھر
مجھ سے مایوس نہ پلٹے مری تقدیر کے غم
میری انگلی میں نہ تھا کوئی چمکتا پتھر
کتنی دل دار ہے ساحل کی چمکتی ہوئی ریت
اب نہیں پاؤں تلے کوئی نکیلا پتھر
میں سر دار کھڑا ہوں کئی صدیوں سے جلیلؔ
کون مارے گا مرے جسم پہ پہلا پتھر
حسن اختر جلیل 
(1034) ووٹ وصول ہوئے
Shab Ki Dahliz Se Kis Hath Ne Phenka Patthar In Urdu By Famous Poet Hasan Akhtar Jaleel. Shab Ki Dahliz Se Kis Hath Ne Phenka Patthar is written by Hasan Akhtar Jaleel. Enjoy reading Shab Ki Dahliz Se Kis Hath Ne Phenka Patthar Poem on Inspiration for Students, Youth, Girls and Boys by Hasan Akhtar Jaleel. Free Dowlonad Shab Ki Dahliz Se Kis Hath Ne Phenka Patthar by Hasan Akhtar Jaleel in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends