ماضی میں رہ جانے والی آنکھیں
ہم سب کی یادوں میں ہے اک سبز دریچہ
جس میں رکھا ہے گلدان
اس گلدان میں اب تک تازہ پھول سجے ہیں
پھولوں میں دو آنکھیں ہیں
جو ماضی کی تاریک گزر گاہوں میں
جیسے شمعیں بن کر روشن ہیں
ان آنکھوں اور ہم لوگوں میں
اب وقت کا صحرا حائل ہے
دور ہیں لیکن یہ آنکھیں ہر لمحہ دیکھتی رہتی ہیں
ہم کیسے ہیں کس دیس میں ہیں
کس بھیس میں ہیں کن لوگوں میں ہیں
کون ہمیں خوشیاں دیتا ہے کون ہمیں غم دیتا ہے
ان سے بچھڑ کے کس سے ملے
اور کس سے ہوئے ہم لوگ جدا
دکھ میں اور تنہائی میں وہ کون تھا جس کو یاد کیا
ہم روئیں تو آج بھی جیسے یہ آنکھیں رو دیتی ہیں
ہم خوش ہوں تو یہ بھی خوش ہو جاتی ہیں
ان آنکھوں کا ہمیں سہارا رہتا ہے
جیسے مسافر دشت میں ہو
تو اس کا ساتھی اس پر روشن ایک ستارہ رہتا ہے
لیکن ہم لوگوں کے دل یہ سوچ کے اکثر کانپ اٹھتے ہیں
جب یہ آنکھیں بجھ جائیں گی
سبز دریچہ ہو جائے گا بند تو آخر کیا ہوگا
حسن اکبر کمال 
(898) ووٹ وصول ہوئے
Mazi Mein Rah Jaane Wali Aankhen In Urdu By Famous Poet Hasan Akbar Kamal. Mazi Mein Rah Jaane Wali Aankhen is written by Hasan Akbar Kamal. Enjoy reading Mazi Mein Rah Jaane Wali Aankhen Poem on Inspiration for Students, Youth, Girls and Boys by Hasan Akbar Kamal. Free Dowlonad Mazi Mein Rah Jaane Wali Aankhen by Hasan Akbar Kamal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends