میں تلاش میں کسی اور کی مجھے ڈھونڈھتا کوئی اور ہے
میں تلاش میں کسی اور کی مجھے ڈھونڈھتا کوئی اور ہے
میں سوال ہوں کسی اور کا میرا مسئلہ کوئی اور ہے
کبھی چاند چہروں کی بھیڑ سے جو نکل کے آیا تو یہ کھلا
وہ جو اصل تھا اسے کھو دیا جسے پا لیا کوئی اور ہے
کٹی عمر ایک اسی چاہ میں اسے دیکھتے کسی راہ میں
مگر اک زمانے کے بعد جو ہوا آشنا کوئی اور ہے
فقط ایک پل کے فراق میں کئی خواب کرچیاں ہو گئے
جو پلٹ کے آئے تو یوں لگا یہاں سلسلہ کوئی اور ہے
وہی لوگ ہیں وہی نام ہیں وہی گھر وہی در و بام ہیں
مگر اب دریچوں کی اوٹ سے ہمیں جھانکتا کوئی اور ہے
کسی آنے والے سفر کی جب کرو ابتدا تو یہ سوچنا
میں اکیلا اس میں شریک ہوں کہ مرے سوا کوئی اور ہے
اسے مل کے آئے تو شام کو مجھے آئنہ نے کہا سنو
وہ جو صبح دم تھا حسن رضاؔ وہ تمہی ہو یا کوئی اور ہے
حسن عباس رضا 
(1090) ووٹ وصول ہوئے
Main Talash Mein Kisi Aur Ki Mujhe DhunDhta Koi Aur Hai In Urdu By Famous Poet Hasan Abbas Raza. Main Talash Mein Kisi Aur Ki Mujhe DhunDhta Koi Aur Hai is written by Hasan Abbas Raza. Enjoy reading Main Talash Mein Kisi Aur Ki Mujhe DhunDhta Koi Aur Hai Poem on Inspiration for Students, Youth, Girls and Boys by Hasan Abbas Raza. Free Dowlonad Main Talash Mein Kisi Aur Ki Mujhe DhunDhta Koi Aur Hai by Hasan Abbas Raza in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends