التجا
یہ عورت ہے
اسے تم سات پردوں میں چھپاؤ
اسے تم باندھ کر رکھو
یہ بکری سے زیادہ قیمتی ہے
کہ بکری دودھ دیتی ہے
مگر جب کاٹ کر کھا لو
تو پھر کچھ بھی نہیں رہتا
یہ عورت ہے اسے کچا چبا لو
پھر بھی یہ زندہ رہے گی
اور تمہارے کام آئے گی
تم اس کے ذہن و دل پر
اور اس کے جسم کے
ایک ایک حصے پر
خلا میں پلنے والے خوف کا
پہرہ بٹھا دو
یہ ماں ہو یا بہن
بیوی ہو محبوبہ ہو بیٹی ہو
تمہاری خادمہ ہو یا طوائف ہو
تمہارے کام آئے گی
میں اک عاصی
بہت ناچیز بندہ ہوں
مری اک التجا ہے
کہ جب اس دن
گھنی داڑھی کا ایک اک بال گن کر
تمہیں حوریں ملیں گی
تو ان حوروں کے صدقے میں
زمیں پر بسنے والی
اس حقیر عورت کی سب کمزوریاں
ساری خطائیں معاف کر دینا
اسے بھی بخشوا دینا
حارث خلیق 
(1086) ووٹ وصول ہوئے
Iltija In Urdu By Famous Poet Haris Khaleeq. Iltija is written by Haris Khaleeq. Enjoy reading Iltija Poem on Inspiration for Students, Youth, Girls and Boys by Haris Khaleeq. Free Dowlonad Iltija by Haris Khaleeq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends