اے یاس جو تو دل میں آئی سب کچھ ہوا پر کچھ بھی نہ ہوا
اے یاس جو تو دل میں آئی سب کچھ ہوا پر کچھ بھی نہ ہوا
یاں ہو گئی خانہ ویرانی اور تیرا ضرر کچھ بھی نہ ہوا
تھا قصد کہ ان کو روکیں گے شب گزری انہیں اندیشوں میں
پر ہائے رے ناکامی دل کی ہنگام سحر کچھ بھی نہ ہوا
احسان ترا مجھ پر ہوتا گر روح کو کرتا تن سے جدا
جب جان بچی فرقت کی شب اے درد جگر کچھ بھی نہ ہوا
اے کاش وہ باتیں کی ہوتیں جو وحشت دل کو کم کرتیں
اتنا جو بکا تو اے ناصح مجھ کو تو اثر کچھ بھی نہ ہوا
اب چاہئے ایسی فکر تجھے جس سے کہ نظارے کی ٹھہرے
ہر وقت کے رونے سے حاصل اے دیدۂ تر کچھ بھی نہ ہوا
دل اور جگر جاں اور یہ سر ہم شوق سے لائے پاس ترے
قسمت کا گلہ اب کس سے کریں منظور نظر کچھ بھی نہ ہوا
یا اس سے جواب خط لانا یا قاصد اتنا کہہ دینا
بچنے کا نہیں بیمار ترا ارشاد اگر کچھ بھی نہ ہوا
دھن وصل کی تجھ پر غالب ہے تو عیش و طرب کا طالب ہے
کیا لطف حقیرؔ اس الفت کا بیتاب اگر کچھ بھی نہ ہوا
حقیر 
(819) ووٹ وصول ہوئے
Ai Yas Jo Tu Dil Mein Aai Sab Kuchh Hua Par Kuchh Bhi Na Hua In Urdu By Famous Poet Haqeer. Ai Yas Jo Tu Dil Mein Aai Sab Kuchh Hua Par Kuchh Bhi Na Hua is written by Haqeer. Enjoy reading Ai Yas Jo Tu Dil Mein Aai Sab Kuchh Hua Par Kuchh Bhi Na Hua Poem on Inspiration for Students, Youth, Girls and Boys by Haqeer. Free Dowlonad Ai Yas Jo Tu Dil Mein Aai Sab Kuchh Hua Par Kuchh Bhi Na Hua by Haqeer in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends