مری حیات اگر مژدۂ سحر بھی نہیں
مری حیات اگر مژدۂ سحر بھی نہیں
ستم یہ ہے کہ ترے غم کی رہ گزر بھی نہیں
چمن میں ہوں میں پریشان مثل موج نسیم
چٹک کے غنچے کہیں گے ہمیں خبر بھی نہیں
نشاط و کیف کے لمحوں ذرا ٹھہر جاؤ
بہار راہ میں ہے دور کا سفر بھی نہیں
میں تیری جنبش مژگاں سے کانپ جاتا ہوں
اگرچہ دل کو غم دو جہاں سے ڈر بھی نہیں
فریب وعدہ پہ ہم تا ابد جئیں لیکن
ہزار حیف یہ امکان عمر بھر بھی نہیں
کوئی تو ہمدم دیرینہ دے صدا اس دم
وہ اجنبی ہوں کہ مانوس اپنا گھر بھی نہیں
نسیم سر بہ گریباں صبا ہے سر گرداں
وہ وقت ہے کوئی خوشبو کا راہبر بھی نہیں
زمین پر ہی کہیں نور کا سراغ لگاؤ
ستارے ڈوب گئے چرخ پر قمر بھی نہیں
کٹی ہے آنکھوں ہی آنکھوں میں شام ہجر مگر
شب دراز الم اتنی مختصر بھی نہیں
کسی کی نرم نگاہی کی آنچ ہے ورنہ
یہ دل پذیر نوا جلوۂ ہنر بھی نہیں
ہوائے شام سے کتنے چراغ جل اٹھے
دیار دل میں تمنا کا اک شرر بھی نہیں
نہ جانے کیوں در زنداں بھی کانپ اٹھتا ہے
صدائے فوقؔ اگر ایسی کارگر بھی نہیں
حنیف فوق 
(1054) ووٹ وصول ہوئے
Meri Hayat Agar Muzhda-e-sahar Bhi Nahin In Urdu By Famous Poet Hanif Fauq. Meri Hayat Agar Muzhda-e-sahar Bhi Nahin is written by Hanif Fauq. Enjoy reading Meri Hayat Agar Muzhda-e-sahar Bhi Nahin Poem on Inspiration for Students, Youth, Girls and Boys by Hanif Fauq. Free Dowlonad Meri Hayat Agar Muzhda-e-sahar Bhi Nahin by Hanif Fauq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends