بے سبب ہو کے بے قرار آیا
بے سبب ہو کے بے قرار آیا
میرے پیچھے مرا غبار آیا
چند یادوں کا شور تھا مجھ میں
میں اسے قبر میں اتار آیا
اس کو دیکھا اور اس کے بعد مجھے
اپنی حیرت پہ اعتبار آیا
بھول بیٹھا ہے رنگ گل مرا دل
پرتو گل پہ اتنا پیار آیا
ایک دنیا کو چاہتا تھا وہ
ایک دنیا میں اس پہ وار آیا
سانس لیتی تھی کوئی حیرانی
میں جسے لفظ میں اتار آیا
کچھ نہ آیا ہمارے کاسے میں
اور آیا تو انتظار آیا
کب مجھے اس نے اختیار دیا
کب مجھے خود پہ اختیار آیا
بار وحشت کوئی اٹھاتا کیا
سو دگر بار دل پہ بار آیا
حماد نیازی 
(850) ووٹ وصول ہوئے
Be-sabab Ho Ke Be-qarar Aaya In Urdu By Famous Poet Hammad Niyazi. Be-sabab Ho Ke Be-qarar Aaya is written by Hammad Niyazi. Enjoy reading Be-sabab Ho Ke Be-qarar Aaya Poem on Inspiration for Students, Youth, Girls and Boys by Hammad Niyazi. Free Dowlonad Be-sabab Ho Ke Be-qarar Aaya by Hammad Niyazi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends