Mana Wo Chhupne Wala Har Dil Mein Chhup Jaega
mana wo chhupne wala har dil mein chhup jaega
lekin DhunDhne wala bhi DhunDega aur paega
kya hota hai mohabbat mein ye mujh ko malum nahin
jis ne aag lagai hai wahi aag bujhaega
main to nam ka mali hun phulon ka rakhwala hun
jis ne bel lagai hai KHud parwan chaDhaega
jis ne KHizan ko bheja hai us ke pas bahaar bhi hai
jis ne bagh ujaDa hai wo KHud phul khilaega
'afsar' mere kanon mein jaise koi ye kahta hai
wo sarkar hamari hai be-mange bhi paega
Hamidullah Afsar 
(868) Peoples Rate This