Asar Dekha Dua Jab Raat-bhar Ki
asar dekha dua jab raat-bhar ki
ziya kuchh kuchh hai taron mein sahar ki
hue ruKHsat jahan se subh hote
kahani hijr mein yun muKHtasar ki
taDap uTThe lahad mein sone wale
zamin ki samt yun tum ne nazar ki
sahar ko maut ki mangi duaen
dua maqbul hoti hai sahar ki
ye bijli hai ki ai abr-e-shab-e-hijr
hai dhajji ek daman-e-sahar ki
Hamidullah Afsar 
(824) Peoples Rate This