نہ جانے کب لکھا جائے
تحیر کی فضاؤں میں
کوئی ایسا پرندہ ہے
جو پکڑائی نہیں دیتا
ہے کوئی خواب ایسا بھی
ازل سے ہے جو ان دیکھا
کوئی ایسی صدا بھی ہے
سماعت سے ورا ہے جو
بصارت کی حدوں سے دور اک منظر ہے جو اب تک
تصور میں نہیں آیا
کہیں کچھ ہے
جو اک پل دل میں آ ٹھہرے
تو جسم و جان کے ہونے کا اک بین حوالہ ہو
جو گیتوں میں اتر آئے
تو اس دھرتی سے نیلے آسماں تک وجد طاری ہو
جو لفظوں میں رچے تو بات پھولوں کی طرح مہکے
اگر لمحوں میں دھڑکے تو زمانوں میں صدا پھیلے
اگر منظر کے اندر ہو
تو بینائی کو اپنا حق ادا کرنے کی جلدی ہو
وہ شاید ہے
اک ایسی داستاں جو روح کے اندر ہے پوشیدہ
اک ایسی سانس جو سینے کی تہ میں چھپ کے سوئی ہے
اک ایسا چاند جو افلاک سے باہر چمکتا ہے
مقدر ہی بدل جائے
اسے گر لکھ دیا جائے
ہمارے درمیاں ہونا
حمیدہ شاہین 
(1029) ووٹ وصول ہوئے
Na Jaane Kab Likha Jae In Urdu By Famous Poet Hamida Shahin. Na Jaane Kab Likha Jae is written by Hamida Shahin. Enjoy reading Na Jaane Kab Likha Jae Poem on Inspiration for Students, Youth, Girls and Boys by Hamida Shahin. Free Dowlonad Na Jaane Kab Likha Jae by Hamida Shahin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends