مجھے ورثہ نہیں ملا
میری ماں کو تالے لگانے کی عادت نہیں تھی
اس کے ٹرنک بھی کھلے رہتے تھے الماریاں بھی
اسے محبت بھی وافر ملی تھی توقیر بھی
اسے سہیلیاں بنانے کی بھی اجازت تھی اور ہنسنے کی بھی
وہ غم بانٹ لینے میں بھی آزاد تھی اور خوشیاں تقسیم کرنے میں بھی
اسے بہت سراہا جاتا تھا اور چاہا بھی
اسے وقار بھی دیا گیا تھا اختیار بھی
اسے تالے لگانے کی نہ عادت تھی نہ ضرورت
اس کا ہاتھ بھی کھلا تھا اور دل بھی
اس کی بیٹی ہر روز تالے خریدتی ہے
جگہ جگہ لگاتی ہے
اس کے پاس سینتنے اور چھپانے کو بہت کچھ ہے
شادی کے اگلے ہی روز
اس نے اپنے پندار کی کرچیاں سمیٹ کر دراز میں رکھیں
عزت نفس کے ٹکڑے الماری میں چھپائے
اپنے وقار کی اڑتی دھجیاں سمیٹ کر ٹرنک میں ڈالیں
ہر جگہ تالا لگانا پڑا
اسے نہ سہیلیاں بنانے کی اجازت ہے نہ ہنسنے کی
اس کے لبوں پر قفل ضروری ہے
وہ نہ کسی کا غم بانٹ سکتی ہے نہ خوشیاں
اسے نہ وقار دیا گیا ہے نہ اختیار
اس کے ہاتھ بھی بندھے ہوئے ہیں پاؤں بھی
کوئی کسی ٹرنک میں نہ دیکھ لے
کسی دراز میں نہ جھانک لے
کوئی آنکھوں میں نہ دیکھ لے
کوئی دل میں نہ جھانک لے
تالے لگانا اس کی ضرورت بھی ہے مجبوری بھی
حمیدہ شاہین 
(851) ووٹ وصول ہوئے
Mujhe Wirsa Nahin Mila In Urdu By Famous Poet Hamida Shahin. Mujhe Wirsa Nahin Mila is written by Hamida Shahin. Enjoy reading Mujhe Wirsa Nahin Mila Poem on Inspiration for Students, Youth, Girls and Boys by Hamida Shahin. Free Dowlonad Mujhe Wirsa Nahin Mila by Hamida Shahin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends