پیارا دیس
دیس اپنا ہم کو پیارا کیوں نہ ہو
دیس اپنا ہم کو پیارا کیوں نہ ہو
دل فدا اس پر ہمارا کیوں نہ ہو
''ہند'' سے بڑھ کر نہیں کوئی زمین
گو جہاں جنت ہی سارا کیوں نہ ہو
کہتے ہیں جس چیز کو آب حیات
پھر وہ شے گنگا کی دھارا کیوں نہ ہو
جس نے پھیلایا جہاں میں نور علم
آنکھ کا دنیا کی تارا کیوں نہ ہو
کب مٹا سکتا ہے ہم کو آسماں
گو وہ دشمن ہی ہمارا کیوں نہ ہو
ہندو و مسلم کو لڑتے دیکھ کر
رنج سے دل پارا پارا کیوں نہ ہو
ہم نے یہ مانا کبھی لڑ بھی لیے
از سر نو بھائی چارہ کیوں نہ ہو
کیوں نہ ہو الفت عداوت کیوں رہے
دشمنی کیوں ہو مدارا کیوں نہ ہو
ہم ہیں ہندوستان کے سچے سپوت
دیس کی خدمت گوارا کیوں نہ ہو
حامد حسن قادری 
(1125) ووٹ وصول ہوئے
Pyara Des In Urdu By Famous Poet Hamid Hasan Qadri. Pyara Des is written by Hamid Hasan Qadri. Enjoy reading Pyara Des Poem on Inspiration for Students, Youth, Girls and Boys by Hamid Hasan Qadri. Free Dowlonad Pyara Des by Hamid Hasan Qadri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends