بے کراں دریا ہوں غم کا اور طغیانی میں ہوں
بے کراں دریا ہوں غم کا اور طغیانی میں ہوں
سب حدیں ہیں پھر بھی قائم کب سے حیرانی میں ہوں
شب کی تنہائی میں مجھ کو ایسا لگتا ہے کبھی
میں ہوں روح زندگی گو پیکر فانی میں ہوں
جگمگاتی محفل افلاک میرا عکس ذات
لو میں ہوں انجم کی میں سورج کی تابانی میں ہوں
صبحگاہاں دشت و گلشن میں نسیم نرم موج
بیچ دریا کے بھنور ہوں اور جولانی میں ہوں
شمع بزم دلبراں ہے میری دل سوزی کی ضو
میں دل عاشق کے خوابوں کی گل افشانی میں ہوں
لوگ کیوں اس شہر کے اتنے پریشاں حال ہیں
میں کہ خوش دل تھا سدا کا اس پریشانی میں ہوں
میں کہ ہوں اک خوش فہم سادہ لوح طفل پیر سال
اور پھر ضدی بھی ہوں خوش اپنی نادانی میں ہوں
کیا خبر میرا سفر ہے اور کتنی دور کا
کاغذی اک ناؤ ہوں اور تیز رو پانی میں ہوں
حسن کل کا آرزو مند اس تنک جانی میں ہوں
میرے قد سے جو بہت اونچا ہے اس پانی میں ہوں
حمید نسیم 
(910) ووٹ وصول ہوئے
Be-karan Dariya Hun Gham Ka Aur Tughyani Mein Hun In Urdu By Famous Poet Hameed Naseem. Be-karan Dariya Hun Gham Ka Aur Tughyani Mein Hun is written by Hameed Naseem. Enjoy reading Be-karan Dariya Hun Gham Ka Aur Tughyani Mein Hun Poem on Inspiration for Students, Youth, Girls and Boys by Hameed Naseem. Free Dowlonad Be-karan Dariya Hun Gham Ka Aur Tughyani Mein Hun by Hameed Naseem in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends