کبھی اپنوں کی یورش تھی کبھی غیروں کا ریلا تھا
کبھی اپنوں کی یورش تھی کبھی غیروں کا ریلا تھا
ترے ملنے کی خاطر ہم نے کیا کیا دکھ نہ جھیلا تھا
مرے احباب کیا بے وقت میرے پاس آ بیٹھے
گھٹا گھنگھور تھی وہ اپنے کمرے میں اکیلا تھا
ہمارا شام تنہائی میں پرساں ہی نہ تھا کوئی
وہ جس محفل میں جاتے تھے وہیں یاروں کا میلا تھا
محبت کی جنوں انگیزیوں سے ہم بھی واقف ہیں
جوانی میں جوانو ہم نے بھی یہ کھیل کھیلا تھا
ادھر وہ تھے کہ تھی اک دولت بیدار پاس ان کے
ادھر ہم تھے کہ اپنی جیب میں پیسہ نہ ڈھیلا تھا
ہوئی مدت کہ ان کو خواب میں بھی اب نہیں دیکھا
میں جن گلیوں میں اپنے دوستوں کے ساتھ کھیلا تھا
جوانی میں ہماری تند خوئی ایک آفت تھی
ہمارے دم سے ہر محفل میں جھگڑا تھا جھمیلا تھا
حمیدؔ اس چاہ غم سے آج تک باہر نہیں آیا
عزیزوں نے اسے مدت ہوئی جس میں ڈھکیلا تھا
حمید جالندھری 
(762) ووٹ وصول ہوئے
Kabhi Apnon Ki Yurish Thi Kabhi Ghairon Ka Rela Tha In Urdu By Famous Poet Hameed Jalandhari. Kabhi Apnon Ki Yurish Thi Kabhi Ghairon Ka Rela Tha is written by Hameed Jalandhari. Enjoy reading Kabhi Apnon Ki Yurish Thi Kabhi Ghairon Ka Rela Tha Poem on Inspiration for Students, Youth, Girls and Boys by Hameed Jalandhari. Free Dowlonad Kabhi Apnon Ki Yurish Thi Kabhi Ghairon Ka Rela Tha by Hameed Jalandhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends