Sine Mein Raaz-e-ishq Chhupaya Na Jaega
sine mein raaz-e-ishq chhupaya na jaega
ye aag wo hai jis ko dabaya na jaega
sun lijiye ki hai abhi aaghaz-e-ashiqi
phir hum se apna haal sunaya na jaega
ab sulh-o-ashati ke zamane guzar gae
ab dosti ka hath baDhaya na jaega
hum aah tak bhi la na sakenge zaban par
wo ruTh jaenge to manaya na jaega
wo dur hain to dil ko hai ek iztirab sa
wo aaenge to aap mein aaya na jaega
Hameed Jalandhari 
(763) Peoples Rate This