بیاباں زاد کوئی کیا کہے خود بے مکاں ہے
بیاباں زاد کوئی کیا کہے خود بے مکاں ہے
سمندر اے سمندر تیرا اپنا گھر کہاں ہے
وفا کا عہد کیا باندھوں ابھی اے دست خوشبو
ابھی بادل حنا پا ہے ابھی سورج جواں ہے
عجب افسوں صفت سارا نہ چھپ کر ہے نہ ظاہر
جزیرہ ایسا سویا ہے وہ دریا سا رواں ہے
ہوا ہے منحرف خود اپنی ہی تحریر سے کیوں
حقیقت کیا یہی ہے وہ بھی بالکل بے اماں ہے
سوال ایسا کہ اس کا لب ہلانا بھی تھا مشکل
یہ پوچھا تھا کہ خوشبو بستہ ہے یا رواں ہے
کوئی تو ہم سخن ہوتا کہ اس سے بات کرتے
بتاتے کھل کے وہ کیا لفظ ہے جو بے بیاں ہے
مرے پاس آ کبھی اے لمحۂ حرف مسرت
کہ میں بھی دیکھ لوں آخر تو کتنا خوش زباں ہے
ہوا کا ہاتھ کیا آتش بدن ہے جو صف گل
ہو موسم کوئی بھی یہ تو وہی شعلہ بجاں ہے
جو سب کچھ دیکھ کر بھی دیکھنے دیتا نہیں کچھ
کہوں منظورؔ کیا آنکھوں میں یہ کیسا دھواں ہے
حکیم منظور 
(781) ووٹ وصول ہوئے
Bayaban-zad Koi Kya Kahe KHud Be-makan Hai In Urdu By Famous Poet Hakeem Manzoor. Bayaban-zad Koi Kya Kahe KHud Be-makan Hai is written by Hakeem Manzoor. Enjoy reading Bayaban-zad Koi Kya Kahe KHud Be-makan Hai Poem on Inspiration for Students, Youth, Girls and Boys by Hakeem Manzoor. Free Dowlonad Bayaban-zad Koi Kya Kahe KHud Be-makan Hai by Hakeem Manzoor in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends