ارتکاب جرم شر کی بات ہے
ارتکاب جرم شر کی بات ہے
اور بری ہونا ہنر کی بات ہے
اک کہانی ہے کہ صدیوں پر محیط
سوچنے میں دوپہر کی بات ہے
آئے ٹھہرے اور روانہ ہو گئے
زندگی کیا ہے، سفر کی بات ہے
ایک شعلہ سا لپک کر رہ گیا
یہ حیات مختصر کی بات ہے
ناصحا گر ہو سکے منزل پہ مل
زندگی تو رہگزر کی بات ہے
شادی و غم پر کریں کیا تبصرہ
تیرے میرے سب کے گھر کی بات ہے
راستے تو ہیں مگر منزل نہیں
کیا ہمارے راہ بر کی بات ہے
اب تو دوکانوں پہ بکتی ہے وفا
دوستو افراط زر کی بات ہے
بال و پر ہوتے تو کیوں ہوتے اسیر
قید میں کیوں بال و پر کی بات ہے
مطمئن کوئی نہیں حالات سے
شام کے لب پر سحر کی بات ہے
ہر قوی کو ہے وہاں جانے کا حق
دشت کی اور بحر و بر کی بات ہے
مردنی زائل ہو یا باقی رہے
یہ ترے حسن نظر کی بات ہے
حیدر علی جعفری 
(851) ووٹ وصول ہوئے
Irtikab-e-jurm Shar Ki Baat Hai In Urdu By Famous Poet Haidar Ali Jafri. Irtikab-e-jurm Shar Ki Baat Hai is written by Haidar Ali Jafri. Enjoy reading Irtikab-e-jurm Shar Ki Baat Hai Poem on Inspiration for Students, Youth, Girls and Boys by Haidar Ali Jafri. Free Dowlonad Irtikab-e-jurm Shar Ki Baat Hai by Haidar Ali Jafri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends