ہوتا فن کار جدید اور نہ شاعر ہوتا
ہوتا فن کار جدید اور نہ شاعر ہوتا
لغو بے بحر خیالات کا مظہر ہوتا
اور بڑھ جاتی جو ابہام کی ندرت مجھ میں
عہد نو کے کسی فرقے کا پیمبر ہوتا
کچھ تو ملتا مجھے دشنام طرازی ہی سہی
خوب ہوتا جو میں دشمن کے برابر ہوتا
کاہے کو دشت میں چبھنے کے لیے رہ جاتا
پھول ہوتا کسی گلشن کا گل تر ہوتا
مجھ پہ بھی تیشۂ الفت کی عنایت ہوتی
کاش کے میں بھی کسی کوہ کا پتھر ہوتا
یوں تراشے ہیں صنم کفر کے اس دنیا نے
بت شکن ہوتا جو اس دور میں آذرؔ ہوتا
کھینچ دیتا میں زمانے پہ محبت کے نقوش
میرے قبضے میں اگر خامۂ شہ پر ہوتا
اپنی خلیق کا مفہوم سمجھ پاتا اگر
دائرہ ہوتا جہاں اور میں محور ہوتا
لوگ مجھ کو بھی شہید غم دوراں کہتے
نیزۂ وقت پہ گویا جو مرا سر ہوتا
دشت کی آب و ہوا نے دیا کانٹوں کا لباس
میں بہاروں میں جو پلتا گل احمر ہوتا
خون مزدور کا ملتا جو نہ تعمیروں میں
نہ حویلی نہ محل اور نہ کوئی گھر ہوتا
تشنہ لب کوئی بھی دنیا میں نہیں رہ پاتا
میری آنکھوں کے جو قبضے میں سمندر ہوتا
حیدر علی جعفری 
(923) ووٹ وصول ہوئے
Hota Fankar-e-jadid Aur Na Shaer Hota In Urdu By Famous Poet Haidar Ali Jafri. Hota Fankar-e-jadid Aur Na Shaer Hota is written by Haidar Ali Jafri. Enjoy reading Hota Fankar-e-jadid Aur Na Shaer Hota Poem on Inspiration for Students, Youth, Girls and Boys by Haidar Ali Jafri. Free Dowlonad Hota Fankar-e-jadid Aur Na Shaer Hota by Haidar Ali Jafri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends