روز مولود سے ساتھ اپنے ہوا غم پیدا
روز مولود سے ساتھ اپنے ہوا غم پیدا
لالہ ساں داغ اٹھانے کو ہوئے ہم پیدا
ہوں میں وہ نخل کہ ہر شاخ مری آرا ہے
ہوں میں وہ شاخ کہ ہوں برگ تبردم پیدا
میں جو روتا ہوں مرے زخم جگر ہنستے ہیں
شادی و غم سے کیا ہے مجھے توام پیدا
چاہنے والے ہزاروں نئے موجود ہوئے
خط نے اس گل کے کیا اور ہی عالم پیدا
درد سر میں ہو کسی کے تو مرے دل میں ہو درد
واسطے میرے ہوا ہے غم عالم پیدا
زخم خنداں ہیں بعینہ لب خنداں اپنے
شادمانی میں ہے یاں حالت ماتم پیدا
آسماں شوق سے تلواروں کا مینہ برسا دے
مہ نو نے ترے ابرو کا کیا خم پیدا
کام اپنا نہ ہوا جب کجیٔ ابرو سے
گیسوئے یار ہوئے درہم و برہم پیدا
شبہ ہوتا ہے صدف کا مجھے ہر غنچے پر
کہیں موتی نہ کریں قطرۂ شبنم پیدا
چپ رہو دور کرو منہ نہ مرا کھلواؤ
غافلو زخم زباں کا نہیں مرہم پیدا
قلزم فکر میں ہر چند لگائے غوطے
در مضموں کوئی یاروں سے ہوا کم پیدا
دوست ہی دشمن جاں ہو گیا اپنا آتشؔ
نوش داروں نے کیا یاں اثر سم پیدا
حیدر علی آتش 
(1012) ووٹ وصول ہوئے
Roz-e-maulud Se Sath Apne Hua Gham Paida In Urdu By Famous Poet Haidar Ali Aatish. Roz-e-maulud Se Sath Apne Hua Gham Paida is written by Haidar Ali Aatish. Enjoy reading Roz-e-maulud Se Sath Apne Hua Gham Paida Poem on Inspiration for Students, Youth, Girls and Boys by Haidar Ali Aatish. Free Dowlonad Roz-e-maulud Se Sath Apne Hua Gham Paida by Haidar Ali Aatish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends