موت مانگوں تو رہے آرزو خواب مجھے
موت مانگوں تو رہے آرزوئے خواب مجھے
ڈوبنے جاؤں تو دریا ملے پایاب مجھے
میری ایذا کے لئے مردے میں جان آتی ہے
کاٹنے دوڑتی ہے ماہیٔ بے آب مجھے
دہن گرگ سے جیتا جو بچوں صحرا میں
ذبح کرنے کے لیے مول لے قصاب مجھے
ہوں تصور میں صفائے بدن یار کے غرق
حلقۂ ناف ہوا حلقۂ گرداب مجھے
مردم دیدۂ قربانی ہوں میں دیوانہ
آئے دروازہ کھلے بن نہ کبھی خواب مجھے
اے فلک رہنے دے عریاں ہی پس از مرگ بھی تو
سونپتا کیا ہے کفن دزد کا اسباب مجھے
نہیں رکھتے ہیں امیری کی ہوس مرد فقیر
شیر کی کھال ہی ہے قاقم و سنجاب مجھے
جوش سے اشکوں کے پھر جائے گا سر پر پانی
کھینچ لے جائے گا دریا میں یہ سیلاب مجھے
دیر و کعبہ میں ان آنکھوں سے نہیں حلقۂ در
کوئی ابرو سے دکھاتا نہیں محراب مجھے
فرقت یار میں کرتی ہے قیامت برپا
روز محشر سے نہیں کم شب مہتاب مجھے
مرض عشق سے بچ جاؤں جو تم دلوا دو
صدقہ اپنے لب جاں بخش کا عناب مجھے
چین لینے نہ دیا درد جدائی نے کبھی
کب میں سویا کہ جگایا نہیں بد خواب مجھے
نہیں بھولا ہے جنوں میں وہ حواس اڑ جانا
یاد ہے برہمیٔ صحبت احباب مجھے
نام کو میرے بھی احباب میں اپنے لکھے
ذرہ سمجھا رہے وہ مہر جہاں تاب مجھے
دل غنی چاہئے گو ہوں میں فقیر اے آتشؔ
شیر کی کھال ہی ہے قاقم و سنجاب مجھے
حیدر علی آتش 
(1438) ووٹ وصول ہوئے
Maut Mangun To Rahe Aarzu-e-KHwab Mujhe In Urdu By Famous Poet Haidar Ali Aatish. Maut Mangun To Rahe Aarzu-e-KHwab Mujhe is written by Haidar Ali Aatish. Enjoy reading Maut Mangun To Rahe Aarzu-e-KHwab Mujhe Poem on Inspiration for Students, Youth, Girls and Boys by Haidar Ali Aatish. Free Dowlonad Maut Mangun To Rahe Aarzu-e-KHwab Mujhe by Haidar Ali Aatish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends