کوچۂ دلبر میں میں بلبل چمن میں مست ہے
کوچۂ دلبر میں میں بلبل چمن میں مست ہے
ہر کوئی یاں اپنے اپنے پیرہن میں مست ہے
نشۂ دولت سے منعم پیرہن میں مست ہے
مرد مفلس حالت رنج و محن میں مست ہے
دور گردوں ہے خداوندا کہ یہ دور شراب
دیکھتا ہوں جس کو میں اس انجمن میں مست ہے
آج تک دیکھا نہیں ان آنکھوں نے روئے خمار
کون مجھ سا گنبد چرخ کہن میں مست ہے
گردش چشم غزالاں گردش ساغر ہے یاں
خوش رہیں اہل وطن دیوانہ پن میں مست ہے
ہے جو حیران صفائے رخ حلب میں آئینہ
بوئے زلف یار سے آہو ختن میں مست ہے
غافل و ہشیار ہیں اس چشم مے گوں کے خراب
زندہ زیر پیرہن مردہ کفن میں مست ہے
ایک ساغر دو جہاں کے غم کو کرنا ہے غلط
اے خوشا طالع جو شیخ و برہمن میں مست ہے
وحشت مجنوں و آتشؔ میں ہے بس اتنا ہی فرق
کوئی بن میں مست ہے کوئی وطن میں مست ہے
حیدر علی آتش 
(1190) ووٹ وصول ہوئے
Kucha-e-dilbar Mein Main Bulbul Chaman Mein Mast Hai In Urdu By Famous Poet Haidar Ali Aatish. Kucha-e-dilbar Mein Main Bulbul Chaman Mein Mast Hai is written by Haidar Ali Aatish. Enjoy reading Kucha-e-dilbar Mein Main Bulbul Chaman Mein Mast Hai Poem on Inspiration for Students, Youth, Girls and Boys by Haidar Ali Aatish. Free Dowlonad Kucha-e-dilbar Mein Main Bulbul Chaman Mein Mast Hai by Haidar Ali Aatish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends